Биыл қазақтың бас ақыны, философы, сазгері және ағартушысы Абай Құнанбайұлының туғанына 180 жыл. Абай Құнанбаев – ақын–ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер. Абай ақындық шығармаларында көбіне қазақ халқының әлеуметтік, қоғамдық, моральдық мәселелерін арқау етеді. Оның шығармашылығы қазақ әдебиеті мен мәдениетінің дамуына негіз болды. Ал философиялық идеялары халықтың рухани дамуына әсер етті. Абай Құнанбайұлының 180 жылдық мерейтойы елімізде айрықша аталып өтуде.
- Абай шығармалары бүгінде жас баладан, еңкейген қарияға дейін қадірлі. Абайдың музыкалық мұрасы қазақтың ұлттық өнері тарихында ерекше орын алады. Абайдың әуендік таланты халықтық негізде дамып, ақынның рухани жан-дүниесі, әлемге көзқарасы оның лирикалық әндерінде айрықша көрсетілген. Абайдың “Көзімнің қарасы”, “Не іздейсің көңілім”, “Айттым сәлем, Қаламқас”, “Татьянаның хаты” және т.б. әндері баршамыздың құлағымыздан кетпестей. Абайды күнде айтып, күнде насихаттасақта артық емес. Ақынды таныған адамнан жамандық шықпас, сірә! Сондықтан да, Абай әлемін насихаттау арқылы қазақ әдебиеті мен мәдениетінің тереңдігі мен көркемдігін халықаралық деңгейде көрсету мақсаты көзделіп отыр,-деді Түркістан облыстық мәслихат депутаты Мағауия Сексенбайұлы.
Сонымен қатар, халық қалаулысы Мағауия Тұрысбеков — Ұлы қазақ ақынының 180 жылдық мерейтойымен баршаңызды құттықтаймын! Абай Құнанбайұлының рухани мұрасы мен шығармашылығы мәңгілік елдің жүрегінде сақталады. Абай есімі, ұрпақтан-ұрпаққа жалғаса береріне сенем білдірді.
