Қазығұрт ауданы Шарбұлақ елді мекеннің тұрғындары кәсіпке бейім.
Сондықтан да Қазығұрт ауданының үлгілі ауылы ретінде – Шарбұлақ ауылдық округі көпке танымал. Мұнда соңғы жылдары бірнеше әлеуметтік мәселелер шешімін тауып келеді. Округке өткен жылы 3 млрд теңгеге жуық инвестиция тартылған.
Қазіргі таңда Шарбұлақ елді мекенінде бұрын-соңды болмаған ашық және жабық спорт кешені салынуда. Бұл игі істі ауылдың тумасы, белгілі кәсіпкер Жабай Төлеев инвестор есебінде жүзеге асыруда. Жаңа спорт кешені ауыл жастары үшін де, жалпы тұрғындар үшін де еңселі спорт және демалыс орнына айналмақ.
Құрылысты жүргізіп жатқан – «Атамекен Строй Сервис» ЖШС. Мердігер мекеме облыс бойынша да бірқатар нысандар салған тәжірибелі ұйым.
Сондай-ақ, Қазақстан бойынша үш ауысымды мектептердің соңғысы қазір Шарбұлақ ауылында салынып жатыр. Бұл – көптен күткен қуаныш. Жаңа үлгідегі 300 орындық мектеп “Ar Kua Group» мердігер компаниясы арқылы бой көтеруде. Мұнан өзге, құс шаруашылығындағы алғашқы бастама тауық фермасы мен балық өсіру шаруашылығы да қолға алынған.
Осылайша тынысын кеңге жайып келе жатқан Қазығұрт ауданы жыл сайын даму жолында қарқынды қадам жасауда.
