Құрметті ағайын!
Сіздерді ұлық мереке – Республика күнімен шын жүректен құттықтаймын!
Бұл мереке – халқымыздың мемлекет құру жолындағы табандылығы мен елдігіміздің тұғырын айқындайтын тарихи күн. Республика күні – тәуелсіздік пен бірліктің, рух пен жаңғырудың нышаны.
Арыс қаласы – Түркістан облысының іргелі өңірлерінің бірі, тоғыз жолдың торабында орналасқан ерекше қала. Соңғы жылдары қаламыздың инфрақұрылымы, спорт, білім және әлеуметтік салалары қарқынды дамып келеді. Бұл бағытта атқарылып жатқан әрбір жұмыс – тұрғындарымыздың әл-ауқатын арттыруға, жастарға жаңа мүмкіндіктер ашуға бағытталған.
Халық қалаулысы әрі спорт саласының өкілі ретінде мен қаламыздың дамуына, жастардың салауатты өмір салтын ұстануына және спорттық жетістіктерге жетуіне өз үлесімді қосып келемін.
Еліміз аман, жұртымыз тыныш, тәуелсіздігіміз мәңгі болсын!
Баршаңызға береке-бірлік, еңбектеріңізге табыс, отбасыларыңызға амандық тілеймін!
Республика күні құтты болсын!
Ізгі тілекпен,
Ерғазы Медетбеков
Арыс қалалық мәслихатының депутаты, спорт ардагері
