Сіздерді 8 наурыз – Халықаралық әйелдер күнімен шын жүректен құттықтаймын!
Бұл мереке – сұлулық пен мейірімнің, даналық пен төзімнің символы. Сіздер – отбасының ұйытқысы, қоғамның тірегі, ұлттың болашағын тәрбиелеп отырған асыл жандарсыздар. Сіздердің еңбектеріңіз – көзге көрінбесе де, ел дамуының негізі.
Бүгінде әйелдер тек шаңырақтың шырағын жағып қана қоймай, мемлекетіміздің әр саласында табысты еңбек етіп, елдің өсіп-өркендеуіне зор үлес қосып келеді. Сіздердің қажыр-қайраттарыңыз, жауапкершіліктеріңіз бен парасаттарыңыз – баршамызға үлгі.
Мемлекет тарапынан аналар мен әйелдерді қолдау, олардың құқықтары мен мүмкіндіктерін кеңейту – әрдайым басты назарда болады. Бұл бағыттағы жұмыстар алдағы уақытта да жалғасын табады.
Сіздерге зор денсаулық, отбасыларыңызға амандық, бақ-береке тілеймін! Әр күніңіз қуаныш пен шаттыққа толы болсын!
Ізгі тілекпен,
Нұржан Сейтжанов, Түркістан облыстық мәслихат депутаты
