«АУЫЛ АМАНАТЫ» БАҒДАРЛАМАСЫНА ҚАТЫСУШЫЛАРДЫҢ ҚҰЖАТТАРЫ ҚАБЫЛДАНУДА, ДЕП ХАБАРЛАЙДЫ AQPARATINFO.KZ ТІЛШІСІ
Бағдарламаны жүзеге асыруға ағымдағы жылы Республикалық бюджеттен жыл басында 11,0 млрд. теңге, қосымша 8,7 млрд. теңге қаржы бөлінген. Жалпы 19 772 410 мың теңге қаржыға 4 000 бірлікке жуық жобаға қолдау көрсетілетін болады. Жобаны іске асыруда бірінші кезекте жеке қосалқы шаруашылықтарды кооперативтер негізінде дамытуға басымдылық берілуде.
Осыған орай жер-жерде бағдарламаға қатысып, несие аламын деген кооператив басшылары мен мүшелерінен құжаттар қабылдау басталып кетті. Бағдарлама негізінде жауапты мекеме қызметкерлері мен басшылары арнайы Созақ ауданына барды. Созақ ауданы, Созақ елді мекенінде болып несие алушы азаматтармен кездесу ұйымдастырылды. Жиында «Ауыл аманаты» жобасы түсіндіріліп, тиімділігі айтылды.
Айта кету керек, ауылды жердегі халықты жұмыспен қамтамасыз етіп, ауыл тұрғындарының әл-ауқатын көтерудің бір жолы – ол қосалқы шаруашылыққа қолдау көрсетіп, дамыту.
«Ауыл-Аманаты» жобасы халықты тұрақты жұмыспен қамтамасыз ету, ауыл әлеуетін тиімді пайдалану арқылы ауыл экономикасын және халықтың өмір сүру деңгейін көтеруге үлкен мүмкіндіктер беретін жоба .
