Түркістан облыстық мәслихатының төрағасы, ақ халатты абзал жандарды марапаттады, — деп хабарлайды aqparatinfo.kz тілшісі.
Түркістан қаласындағы «Farab» кітапханасының мәжіліс залында Халықаралық мейірбике күні мен Халықаралық акушерлер күніне орай салтанатты іс-шара өтті.
Жиында Түркістан облыстық мәслихатының төрағасы Нұралы Әбішов денсаулықтың жаршысы, адам өмірінің қорғаушысы, науқастың дертіне дауа сыйлаушы мейірбикелер мен акушерлерге ізгі тілегін айтып, марапаттады.
Жыл сайын мамыр айының 12 жұлдызында Халықаралық мейірбике және Халықаралық акушер күні атап өтіледі. Жұрт бұл күні ақ халатты абзал жандарға құрмет көрсетіп, еселі еңбектеріне алғыс білдіріп жатады. Өйткені, олардың денсаулық сақтау саласында халық денсаулығын жақсарту жолындағы еңбегі ұшан теңіз. Әсіресе, осы саланың барлық сатысында мейірбикелер еңбегі айрықша көрініп тұрады.
