Жібек жолы ауылдық округінде «Жібек жолы» АГТС және Дербісек ауылдық округінде орналасқан «Тоболино» АГТС нысандарын іске қосу бойынша арнайы құрылған жұмысшы топпен мәжіліс өтті.
Мәжіліске арнайы құрылған жұмысшы топ құрамы, атап айтқанда: облыстық мәслихат депутаттары У.Рахиев, А. Салимов, Ж.Сүлейменов және «Интергаз Орталық Азия» АҚ «Шымкент» магистралды газ құбырлары басқармасының өкілі және Түркістан облысының энергетика және тұрғын үй- коммуналдық шаруашылық басқармасының басшысы мен «ҚазТрансГаз Аймақ» АҚ Түркістан өндірістік филиалының бастығы қатысты.
Мәжіліс барысында жауапты мердігер мекеме өкілдері нысандарды іске қосу бойынша тиісті құжаттармен таныстырып, мәліметтерді баяндап берді.
Жұмысшы топ құрамы атқарылып жатқан жұмыстарды тездетіп, келісім шарт бойынша ағымдағы жылдың соңына дейін газ тарату стансаларын іске қосып, халық игілігіне таратуды тапсырды.
Айта кетсек, Дербісек ауылдық округінде орналасқан «Тоболино» АГТС нысаны іске қосылған жағдайда, 7 елді мекен (Ақжар,Атамекен,Ұйымшыл,Жемісті,Тың,Диханбаба,Дербісек) табиғи газдың қуаттылығы артып, жаңадан салынған тұрғын үйлерді және әлеуметтік нысандарды табиғи газға қосуға мүмкіндік берілетін болады.
Сонымен қатар«Жібек жолы» АГТС нысаныны іске қосылған жағдайда 9 елді мекенде (Жібек жолы, Қарабау, Зортөбе, Жаңатұрмыс, Сарқырама, Жаңа құрылыс, Диханбаба, Қызылжар, Жаскешу) табиғи газдың қуаттылығы артып, жаңадан салынған тұрғын үйлерді және әлеуметтік нысандар табиғи газға қосылады.
