«AMANAT» партиясы Созақ аудандық филиалының ғимаратында, Түркістан облыстық мәслихат депутаты Тұрысбеков Мағауия Сексенбайұлы аудан тұрғындарын жеке мәселелері бойынша қабылдау жүргізді.
Қабылдауда бірнеше өзекті мәселелер айтылды. Халық қалаулысы Мағауия Тұрысбеков пен Созақ аудандық партия филиалының төрағасы Ернар Сағындық арыз-өтінішін арқалап келген 4 тұрғынның шағымын тыңдады. Нақтырақ айтсақ, аудан тұрғындары аудан орталығынан спорттық — сауықтыру кешен салу, Мүмкіндігі шектеулі жандарға қажетті орта құрып, қамқорлық-қолдау көрсету, оларды қажетті құрал-жабдықтармен қамтамасыз ету қажеттілігі туындап отырғандығын айтты. Сонымен қатар, бір ауыл тұрғыны тұрақты жұмысқа орналасу мәселесі бойынша айтса, автожол құрылысының сапасы мен Жылыбұлақ каналының құрылысы бойынша да қабылдауда өз өтініштерін айтып келгендер болды.
— Ерекше қажеттіліктегі адамдарға қамқорлық көрсету – қоғам алдындағы менің парызым — деген депутат М.Тұрысбек, тұрғындардың мәселесі сол мезетте оң шешіммен шешілуіне ықпал жасады. Өз демеушілігімен ерекше жандарға қажетті құрал — жабдықтарын алып, қамтамасыз ететіндігін айтты.
Жұмысқа орналасу мәселесі бойынша түскен өтінішті аудандық партия филиалының төрағасы Е.Сағындық бақылауына алды.
Тұрғындардың өтініштері жан-жақты зерделеніп, көтерілген мәселелер бойынша депутат жауапты органдардың өкілдеріне ұсыныс берілетінін және оның шешілу жолын қарастыратындығын жеткізді.
