Мәжіліс депутаты, «AMANAT» партиясы Фракциясының мүшесі Қайрат Балабиев, Қазақстанның оңтүстік облыстарында жойылып бара жатқан өсімдік түрлерін қорғау шаралары туралы Премьер-Министрдің бірінші орынбасары Роман Склярға депутаттық сауал жолдады.
Мәжіліс депутаты өз сөзінде қорғалуы керек өсімдік түрі түбімен жойылып кету қауіпі бар екендігін жеткізді. Оның пайдалы тұсын мысалға келтірген халық қалаулысы бүгінге дейін қызыл кітапқа енбегендігін де ашып айтты. Мың бір шипаға ем болатын таптырмас өсімдікті, шет елге тасымалдау тәсілі белең алып кеткен. Тосқауыл болмағандықтан заңсыздыққа баратындар өсімдікті түбімен қопарып алуды әдетке айналдырыпты. Ал, түбімен жұлынған дермененің қайта өсіп шықпайтыны тағы бар, — деді Қ.Балабиев депутаттар алдында.
Айта кетейік, «AMANAT» партиясы Фракциясының мүшесі Қайрат Рахымұлының бұл депутаттық мінберде көтерген бірінші сауалы емес. Ол бұған дейін Түркістан облысының ең өзекті және шешімі қиын проблемаларын айтып келеді. Депутаттың көтерген мәселелері бүгінде шешімін тауып, ел игілігіне пайдасы тиген тұстары да баршылық. Сонымен қатар, Түркістан облысының тұрғындарына қолайлы өмір қалыптастыру мақсатында айтқан, ең қиын мәселелерді қысқа уақытта шешілуіне ықпал еткен алғашқы фракция мүшесі.
