2022 жылы Ералиев ауылдық округі Жағажай елдімекенінен ФАП салуға 28 соттық, спорт алаңшасын салуға 28 соттық, тұрғындар үшін аллея ашуға 28 соттық жерін тегін тарту еткен Жетісай аудандық мәслихатының депутаты Жанарыс Талипбеков тағы да өзінің иелігіндегі 2,5 гектар жерін өрт сөндіру бекетін салуға берді. Халық қалаулысы осылайша тұрғындарға ең қажетті нысандар салуға мүмкіндік жасап отыр. Енді, өрт сөндіру және құтқару бекетінде 30 адам тұрақты жұмыспен қамтылмақ. Сондай-ақ, Ж.Ералиев және Абай, Қызылқұм ауылдық округтеріне қарасты елді мекендерде өрт болған жағдайда немесе тұрғындардың суға бату жағдайлары орын алған жағдайда төтенше жағдай қызметкерлері уақыттан ұтылмай, дер кезінде көмек көрсететін болады.
Қайырымды іске жаны құмар Жанарыс Талипбековтың тартуы жалпы жергілікті халықтың әлеуетін арттыруға септігін тигізіп отыр. Депутаттың мұндай игі істеріне Жетісайлық тұрғындар да өз алғыстарын білдіруде.
