Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің Конституция күні құтты болсын!
Еліміз өркендеп, даму жолында жарқырап келе жатқаны баршаға аян. Игіліктің ізгі жолында ел азаматтары айтулы істер атқарып келеді. Соның бірі – Түркістан облыстық мәслихатының депутаты, “Ақжол” партиясының мүшесі Қанат Нышанов. Халық қалаулысы барша қазақ елін мерекемен құттықтады.
– Құрметті отандастар!
Сіздерді Ата Заңымыз қабылданған күн – Конституция мерекесімен шын жүректен құттықтаймын!
Конституция – халқымыздың тәуелсіздігінің айғағы, елдігіміздің берік тұғыры. Ол – әрбір азаматтың құқығы мен бостандығының кепілі, ынтымағымыздың тірегі. Осындай салтанатты күні баршаңызға амандық, ырыс-береке, табыс тілеймін. Егемен еліміздің дамуы жолындағы еңбектеріміз жемісті, бастамаларымыз сәтті болсын! – деді депутат Қ.Нұрбекұлы.
Қазақ елі алмағайып өтпелі кезеңдердің барлық қиындығын еңсеріп, биікке көтеріліп келеді. “Ұрпақтарымыздың ырысы ортаймасын, намысы тапталмасын!” – деген халық қалаулысы ел болашағы үшін игі істердің қолдаушысы болып келеді. Өз сайлаушыларына қайырымдылық жасап, жастар мәселесінде белсенділік танытып жүрген депутат ұлттық құндылықтарды дәріптеу жолында еңбек етіп жүр.
Ұлттық бірлігіміздің негізін қалаған 30 тамыз – Конституция күні баршаңызға құтты болсын!
