Бұл – халқымыздың тәуелсіздігі мен елдігінің нышаны саналатын айтулы мереке!
Бәйдібек ауданы соңғы жылдары қарқынды даму жолында. Әсіресе ауыз су мәселесін шешу бағытында ауқымды істер жүзеге асуда. Қазіргі таңда бірқатар елді мекендерде жаңа су құбырлары тартылып, ескі желілер жаңартылып жатыр.
Бұл тұрғыда Бәйдібек ауданы әкімдігі, тұрғын үй-коммуналдық шаруашылық бөлімі және «Бәйдібек су» мекемесі ел игілігі үшін күн-түн демей еңбек етуде. Халықты тәулік бойы таза ауыз сумен қамтып, сапалы қызмет көрсетуге күш салып келеді.
Мен «Ауыл» халықтық-демократиялық патриоттық партиясынан сайланған аудандық мәслихат депутаты ретінде ауданымыздың дамуы жолында бар күшімді салып келемін.
Биыл «Ауыл» партиясына 25 жыл толып отыр. Бұл – ел мен жердің игілігі үшін аянбай еңбек етіп келе жатқан партиямыз үшін зор мерейлі кезең.
Осы Республика күні мерекесінде барша отандастарымды шын жүректен құттықтаймын!
Еліміз аман, жеріміз тыныш, тәуелсіздігіміз тұғырлы болсын!
Әр шаңырақта береке мен бақ, еңбектеріңізде табыс пен ырыс болсын!
Ізгі тілекпен,
Бәйдібек аудандық мәслихат депутаты,
«Бәйдібек су» мекемесінің директоры
Шыныбек Мұнашов
