Сарыағаш ауданында қоғамдық кеңестің кезекті отырысы өтті. Жиынға облыстық мәслихат депутаты , кеңес төрағасы Уалихан Рахиев және кеңес мүшелері мен тиісті сала басшылары қатысты. Қоғамдық кеңестің жалпы отырысында келесі мәселелер қаралды:
Санитариялық-эпидемиологиялық бақылау басқармасының 2025 жылғы жұмысы
Аудандық аурухананың қызметі және қысқы маусымға дайындығы
Білім беру мекемелерінің жылыту маусымына дайындығы
Құрылыс, сәулет және қала құрылысы бөлімінің ережесіне қатысты ұсыныстар. Күн тәртібіне сәйкес тиісті бөлім басшылары өз мекемелерінде атқарылып жатқан жұмыстары мен алда тұрған міндеттері бойынша баяндама жасады.
Кеңес мүшелері тарапынан баяндамашыларға ұсыныс-пікір, сұрақтар қойылып, жауаптары тыңдалды және көптеген түйткілді мәселелер талқыланды. Сонымен қатар алдағы уақытта жұмыстарды жақсарту мақсатында нақты ұсынымдар айтылып, әрбір мәселе бойынша шешімдер қабылдады.
Күн тәртібіндегі барлық мәселелер бойынша жауапты сала басшыларының баяндамаларын тыңдай келе, қорытындылап «Бүгінгі отырыста көтерілген мәселелер бойынша нақты жұмыстарды жүйелі түрде жүзеге асыру керек. Қоғамдық кеңес тарапынан айтылған ұсыныстарды ескерсеңіздер.» — деді У.Рахиев.
