Сауран ауданының әкімі Мақсат Асылбекұлының есептік кездесулері жалғасуда. Кезекті кездесу Үшқайық, Яссы ауылдық округтерінде өтті. Жиын барысында аудан әкімі атқарылған жұмыстар мен алдағы жоспарлар туралы баяндап, тұрғындар алдында ашық есеп берді.
Соңғы жылдары Сауран ауданында әлеуметтік мәселелер жүйелі түрде шешімін тауып келеді. Соның ішінде Үшқайық ауылдық округінде жаңа Келешек мектеп пайдалануға беріліп, балық шаруашылығы саласы қарқынды дамуда. Бұл ауылдың экономикалық әлеуетін арттыруға айтарлықтай үлес қосып отыр.
