Бүгінде Түркістан облысында бұқаралық спортты дамытуға аса мән біріліп жатыр. Спорт кешендерін , жабық ойын алаңшаларын салу құрылыстары өңірде қарқынды. Соның бірі Созақ ауданы Шу ауылдық округінде жабық футбол алаңшасының құрылысы аяқталуға шақ тұр.
Құрылыстың тапсырыс берушісі — Созақ аудан әкімдігінің құрылыс, сәулет және қала құрылысы бөлімі. Жоба 2025 жылдың тамыз айында басталып, ағымдағы жылдың желтоқсан айында толық аяқтау жоспарланып отыр. Мердігер мекеме «VEK STORY-COM» ЖШС.
Қазіргі таңда алаңды тегістеу және нығыздау (трамбовка) жұмыстары жүргізілуде. Сонымен қатар алаңның сыртқы қабырғасы мен төбесіне темір конструкциялар орнатылып, төбе жабындысы төселуде. Құрылыс алаңында 13 жұмысшы, 2 техника белсенді жұмыс атқаруда.
Нысан аумағында асфальттау және қоршау жұмыстары аяқталған. Жалпы қазіргі таңда құрылыстың 75-80 пайызы атқарылған. Нысан өз уақытысында жұмысын аяқтауды жоспарлап отыр. Мердігер мекеме тарапынан толықтай жұмыс сапалы аяқталса, спорт алаңшасы ел игілігіне пайдалануға берілмек. Бұқаралық спорт дамып, ауыл жастарына деген қолдаудың ашық көрінісі болмақ.
Ақпарат тілшісі
