Түркістан облыстық мәслихат депутаттары кестеге сәйкес жеке қоғамдық қабылдаулар өткізіп келеді. Соныі бірі Ордабасы ауданы, Қажымұқан ауылдық округіне қарасты Темірлан ауылында депутат Раймбеков Ғани Ахылбекұлы тұрғындарға жеке қабылдау өткізді. А.Әзімбай есімді ауыл тұрғыны Түркістан облыстық мәслихатының депутаты Ғани Ахылбекұлының жеке қабылдауына келіп, тұрмыстық жағдайын айтып, көмек сұрады. Нақтырақ айтқанда, тұрғын қысқы қатты отын алуға қаржылай көмек сұрап келген. Қабылдау барысында халық қалаулысы, «Аманат» партиясының мүшесі Ғани Раймбеков қабылдауға келген тұрғынның мәселесі бойынша көмек көрсететінің айтты. Демеушілік жасап, қажетті қатты отын алуға қаржылай көмек көрсетті.
Қоғамдық қабылдау барысында депутаттар халықтың мұң-мұқтажын тыңдап, сайлаушылардың ұсынысын тыңдаумен шектелмей, мәселесінің оң шешілуіне ықпал жасайды. Әр бір айтылған шағым мен мәселеге мән беріледі. Олардың орындалуын тікелей бақылауға алады.
