Бүгін Түркістан облысы Сайрам ауданы, Ақбұлақ ауылындағы «Балажан» атындағы бөбекжай балабақшасына кездесуге арнайы өңірлік филиалдың төрағасы, облыстық мәслихат депутаты Қалмуратов Төрегелді Оразалыұлы барды. Балабақшаның жәй-күйімен танысып, ғимаратты аралап көрді. Жатын орындары мен асхана жұмысымен танысып, күнделікті тағамдардың мәзірін де көрді.
Бала — ертеңгі елдің болашағы. Сондықтан да депутат білім беру жүйесінде талап пен тәртіптің болуы маңызды екендігін айтты. Балаларымыз қауіпсіз жерде еркін өсіп-жетілуі қажет. Бүгінде балабақша жұмысына мемлекеттік қолдаулар көп. Сапалы, талаптарға сай «Балажан» балабақшасы бірнеше тұрғынды жұмыспен қамтып отыр. Ғимаратты аралап, халық қалаулысы қызметкерлермен сұхбаттасты. Жұмыстарына сәттілік тілеп, алдағы жоспарлар барысымен де ой алмасты.
