Еліміз үшін маңызды саяси науқан – референдум аясында «АМАНАТ» партиясының мүшесі Түркістан облыстық мәслихатының депутаты Жомарт Абдибаев, өзі тіркелген референдум учаскесіне барып, азаматтық борышын орындап, дауыс берді.
Сондай-ақ халық қалаулысы бұл маңызды саяси оқиғаға белсенді қатысуды азаматтық жауапкершілік деп санайтынын айтты. Әрбір азаматтың дауысы – ел болашағын айқындайтын маңызды таңдау болатынын жеткізді.
— Бүгінгі дауыс беру арқылы мен Әділетті әрі Прогрессивті Қазақстанды қалыптастыру, мемлекетіміздің тұрақты дамуы мен жарқын болашағы үшін өз таңдауымды жасадым. Бұл – тек бүгінгі күннің ғана емес, келешек ұрпақтың тағдырына әсер ететін маңызды шешім-деді Жомарт Махамаджанұлы.
Осындай тарихи кезеңде еліміздің әрбір азаматы белсенділік танытып, өз пікірін білдіруі аса маңызды. Себебі мемлекетіміздің болашағы – баршамыздың ортақ жауапкершілігіміз.
