Шаға ауылдық округінде әкім сайлауы өтіп, оның қорытындысы бойынша Аида Сенбекқызы округ әкімі болып сайланды, деп хабарлайды «Aqparatinfo.kz» сайты.
Аида Сенбекқызы 1991 жылдың 24 қаңтарында Түркістан қаласында дүниеге келген. 2013 жылы Қожа Ахмет Ясауи атындағы Халықаралық қазақ-түрік университеті «Автоматтандыру және басқару» мамандығы бойынша жоғары білім алған. 2015 жылы осы оқу орнында «Құқықтану» мамандығы бойынша екінші жоғары білімін тәмамдаған.
Еңбек жолын 2013 жылы Шаға ауылдық округі әкімі аппараты мемлекеттік мекемесінде бас маман болып бастаған. Мемлекеттік қызметте тәжірибе жинақтап, 2023 жылдан бастап округ әкімінің орынбасары қызметін атқарып келген.
