Қазығұрт ауданының әкімі Азизхан Исмаилов тұрғындарды жеке қабылдады. Кездесуге аудан әкімінің орынбасарлары, дербес бөлім басшылары мен ауылдық округ әкімдері қатысты.
Қабылдау барысында Қазығұрт, Алтынтөбе, Жаңабазар және Қарақозы Әбдәлиев ауылдық округтерінің тұрғындары ауыз су, әлеуметтік көмек, тұрғын үй, жұмыспен қамту, жер телімдері және электр жарығымен қамтамасыз ету мәселелерін көтерді. Сонымен қатар көшелерге жарықтандыру орнату, «Ағабек ата» және «Қ.Мамбет» көшелерінің қиылысындағы көпірді жөндеу, Қызылдала елді мекенінің ішкі көшелеріне асфальт төсеу жөнінде ұсыныстар айтылды. Аудан әкімі өтініштерді тыңдап, жауапты бөлімдер мен ауылдық округ әкімдеріне мәселелерді зерделеп, шешу жолдарын қарастыруды тапсырды. Сондай-ақ берілген тапсырмалардың уақытылы орындалуын және әрбір өтініштің нәтижесін бақылауда ұстауды міндеттеді.
