Құрметті құрылыс саласының қызметкерлері!
Сіздерді кәсіби мерекелеріңіз — Құрылысшы күнімен құттықтаймын! Әр мамандықтың қоғамда алатын өзіндік орны, мәртебесі бар. Сондай мәртебелі де жауапкершілігі мол мамандықтардың бірі құрылысшы мамандығы екендігі баршамызға белгілі. Өйткені құрылысшы — адамзат өркениетiнiң бастауында тұрған мамандық. Құрылысшы – қоғам өміріндегі маңызды мамандықтардың бірі, әрі бірегейі. Ауыл мен қаланың көркеюіне тікелей үлес қосатын, халықты әлеуметтік нысандармен қамтып, зәулім ғимараттар салатын – Сіздерсіздер.
Сіздердің адал еңбектеріңіздің арқасында облысымыз, ауданымыз көркейіп, түрленуде. Жыл сайын аудан тұрғындарының жаңа үйде қоныс тойын тойлауы – Сіздердің жемісті жұмыстарыңыздың нәтижесі.
Құрметті құрылысшылар мен құрылыс саласының ардагерлері, жоғары кәсіби шеберліктеріңіз, адалдық, жанқиярлық және шығармашылық жұмыстарыңыз үшін шын жүректен алғыс айтамын! Сіздерге мықты денсаулық, бақыт және жаңа кәсіби жетістіктер тілеймін!
Түркістан облыстық мәслихат депутаты Жәнібек СҮЛЕЙМЕНОВ!
