Түркістан қаласын сарқынды су желісімен қамтамасыз ету бойынша құрылыс жұмыстары жүргізілуде. Қазіргі таңда «Шауғар» ықшам ауданында және «Ортақ» тұрғын алабында кәріз жүйелерінің жұмысы басталған. Бұл жобалар 2023 жылы басталып, биылғы жылы аяқтау жоспарланып отыр. Қала бойынша кәріз жүйесімен қамту көрсеткіші бүгінде 36,5 пайызды құрайды. Жалпы, 17 560 абонемент орталық кәріз желісіне қосылған.
Бұдан өзге кәріз инфрақұрылымын дамыту мақсатында 11 нысанның құрылысы жүргізіліп жатыр. Сонымен қатар, тағы 2 нысан бойынша жобалау-сметалық құжаттама әзірленуде. Түркістан қаласында тәулігіне 20 000 м³ сарқынды суды тазартуға қауқарлы нысан – сарқынды су тазарту имараты жұмыс істейді. Ол тәулігіне шамамен 8 000 м³ көлеміндегі сарқынды суды қабылдап, толық тазартудан өткізуге қауқарлы.
Бұдан бөлек, Түркістан қаласында көктемгі түп ағаштарын отырғызу жұмыстары жүргізілуде. Нақтырақ айтқанда қарағаш, терек сынды тал егу жұмыстары қолға алынып қаланың жасыл аймағын кеңейтуге мән берілуде . Айта кетейік, киелі шаһарда биылғы жылға жалпы саны 214 мың түп ағаш егу жоспарланған.
