Бүгін “Ауыл” партиясының Түркістан облысы бойынша өңірлік филиалының аппарат басшысы, облыстық мәслихат депутаты Әжіметов Нұржан Нұрмаханбетұлы мен “Жалғыз өркешті (дромедар) және қос өркешті (бактриан) түйе тұқымдары” Республикалық палатасының басшысы Ермаханов Мейрамбек Нысанбекұлы өңірдегі түйе шаруашылығын дамытуға бағытталған өзара ынтымақтастық меморандумына қол қойды.
Меморандум аясында жыл бойы облыстың барлық қала және аудандарында түйе өсіру, асылдандыру, өнім сапасын арттыру бағытында бірлескен семинарлар мен оқу-тәжірибелік кездесулер өткізу жоспарлануда.
Бұл бастама – өңірдегі түйе шаруашылығының дамуына серпін беріп, шаруалардың кәсіби білімін арттыруға және саланың экономикалық әлеуетін нығайтуға бағытталған маңызды қадам.
