Ұлы Жеңіс – ерлік пен елдіктің, батырлық пен қайсар рухтың мәңгілік символы. Бұл – Отан үшін от кешіп, ел мен жердің азаттығы жолында жанын қиған қаһарман боздақтарды еске алып, олардың рухына тағзым ететін қастерлі күн.
Бүгінде Сайрам ауданында Ұлы Отан соғысының көзі тірі ардагері – Ахметжан Анартаев ақсақал өмір сүріп келеді. Бір ғасыр ғұмыр кешкен ардақты қария – тұтас бір дәуірдің, қиын кезең мен қайсар рухтың тірі куәсі.
Жеңіс оңайлықпен келген жоқ. Миллиондаған боздақтың қаны мен жанқияр ерлігінің арқасында бүгінгі бейбіт өмірге қол жеткіздік. Сондықтан ел тыныштығы мен Тәуелсіздіктің қадірін әрдайым биік ұстап, майдан даласында ерлікпен қаза тапқан батырлардың рухына мәңгі тағзым етеміз.
Ұлы Жеңістің рухы ұрпақ жадында мәңгі сақталады. Ардагерлерімізді ардақтап, олардың ерлігін ұлықтау – баршамыздың парызымыз.
Еліміз аман, жұртымыз тыныш, көгіміз ашық болсын!
Ізгі тілекпен,
Түркістан облыстық мәслихат депутаты
Жамшидбек Туламетов
