Баршаңызды қазақ халқының бай рухани мұрасын дәріптейтін, ұлттық құндылықтарымызды ұлықтайтын белтемірге тартылу жарысының ашылуымен шын жүректен құттықтаймын!
Түркістан – қазақ руханиятының алтын бесігі. Сондықтан қасиетті өңірде ұлттық салт-дәстүрімізді, төл спортымызды және ата-бабадан қалған асыл мұраны жаңғырту – баршамызға ортақ міндет. Белтемір – халқымыздың күш-қайратын, төзімділігі мен жігерін шыңдайтын, ер азаматтың рухын тәрбиелейтін ұлттық жаттығулардың бірі.
Бүгінгі жарыс – тек мықтыны анықтайтын дода емес. Бұл – ұлттық бірегейлігімізді дәріптейтін, жастарды отансүйгіштікке, салауатты өмір салтына және ұлттық дәстүрге құрметпен қарауға үндейтін маңызды рухани шара.
Мемлекет басшысы Қасым-Жомарт Тоқаев ұлттық құндылықтарды сақтау мен ұрпақ тәрбиесіне айрықша мән беріп келеді. Осы бағытта Түркістан облысында ұлттық спортты дамытуға, дәстүрлі мәдениетті қолдауға және бұқаралық спортты кеңінен насихаттауға ерекше көңіл бөлінуде.
Барша қатысушыларға сәттілік, мықты денсаулық, жоғары нәтиже тілеймін. Жарыс әділ өтіп, ең мықтылар жеңіс тұғырынан көрінсін! Еліміздің абыройын асқақтатып, ұлттық рухымызды биіктете беріңіздер!
Ұлттық мұрамыз ұлықталып, көк Туымыз әрдайым биікте желбірей берсін!
