Қайырлы күн, Мадияр Бақтыбайұлы. Түркістан – қазақ руханиятының алтын бесігі. Соңғы жылдары Түркістанда ұлттық құндылықтарды насихаттау бағытында көптеген игі бастамалар жүзеге асырылып келеді. Осы жұмыстар туралы кеңірек айтып беру үшін Түркістан қаласы әкімінің осы салаға жауапты орынбасары ретінде арнайы сізді сұхаттасуға шақырып отырмыз. Қош келдіңіз! Сұхбатымызға келіскеніңізге рахмет!
– Рақмет! Шақырғандарыңызға қуаныштымын.
- Жалпы Мадияр Бақтыбайұлы бүгінде Түркістан қаласында ұлттық рухты нығайту бағытында қандай жұмыстар жүйелі түрде жүргізілуде?
– Түркістан – қазақ халқының рухани астанасы. Сондықтан ұлттық рухты көтеру біздің басты міндеттеріміздің бірі. Жыл бойы халқымыздың мәдени мұрасын дәріптейтін әдеби-мәдени кештер, ұлттық өнер фестивальдері, дәстүрлі музыка кештері, тарихи-танымдық көрмелер, қолөнер жәрмеңкелері мен жастарға арналған тағылымдық кездесулер тұрақты түрде өткізіледі. Бұл іс-шаралар ұлттық құндылықтарды жас ұрпақтың бойына сіңіруге бағытталған.
- Қазақтың салт-дәстүрін дәріптеу бағытында қандай жобалар жүзеге асырылып жатыр?
– Біз ұлттық салт-дәстүрді тек мерекелік шараларда ғана емес, күнделікті мәдени өмірдің бір бөлігіне айналдыруға мән береміз. «Бесікке салу», «Тұсаукесер», «Беташар», «Қыз ұзату», «Наурыз дәстүрлері» сияқты ұлттық ғұрыптар театрландырылған қойылымдар арқылы көпшілікке ұсынылады. Сонымен қатар мектептер мен жоғары оқу орындарында ұлттық тәрбиеге арналған кездесулер ұйымдастырылып келеді.
- Соңғы уақытта ұлттық киімге деген қызығушылық артып келеді. Түркістанда бұл бағытта қандай жұмыстар атқарылуда?
– Ұлттық киім – халқымыздың тарихы мен мәдениетінің айнасы. Сондықтан біз ұлттық киімді күнделікті өмірде кеңінен насихаттауға ерекше көңіл бөліп келеміз. Ұлттық киім фестивальдері, сән көрсетілімдері, этно-көрмелер, қолөнершілер жәрмеңкесі ұйымдастырылып, жергілікті дизайнерлердің еңбегі көпшілікке таныстырылуда. Қала тұрғындары мен жастардың ұлттық киімге қызығушылығы жыл сайын артып келеді.
- Түркістанда ұлттық өнерді дамыту бағытында қандай мәдени жобалар қолға алынған?
– Домбыра, күй, терме, жыршылық өнері, қолөнер және ұлттық би бағытындағы фестивальдер мен байқаулар тұрақты өткізіледі. Сонымен бірге қазақ музыкасының көрнекті тұлғаларына арналған шығармашылық кештер ұйымдастырылып, ұлттық өнердің сабақтастығын сақтауға ерекше көңіл бөлінуде.
- Жастардың ұлттық құндылықтарға қызығушылығын арттыру үшін қандай жұмыстар жүргізілуде?
– Бүгінгі жастар ұлттық мәдениетті заман талабына сай қабылдауы маңызды. Сондықтан біз жастарға арналған этнофестивальдер, тарихи квесттер, әдеби кештер, ұлттық ойындар жарысы, шеберлік сабақтары мен мәдени форумдар ұйымдастырамыз. Мұндай жобалар жастардың ұлттық сана-сезімін қалыптастыруға ықпал етеді.
- Қолөнершілерді қолдау мәселесіне тоқталсаңыз.
– Түркістан – қолөнердің орталығы. Қолөнер шеберлерінің көрмелері мен жәрмеңкелері ұйымдастырылып, олардың өнімдерін тұрғындар мен туристерге таныстыруға мүмкіндік жасалуда. Бұл ұлттық мұраны сақтаумен қатар, шеберлердің кәсібін дамытуға да оң әсерін тигізуде.
- Түркістанға келетін туристерге ұлттық мәдениетті таныту бағытында қандай жұмыстар атқарылуда?
– Туристер тарихи орындарды аралаумен ғана шектелмей, қазақ халқының мәдениетімен де жақын танысуы тиіс. Осы мақсатта ұлттық музыка кештері, этноауылдар, қолөнер көрмелері, ұлттық тағамдар фестивальдері және дәстүрлі өнер бағдарламалары ұйымдастырылады. Бұл Түркістанның туристік тартымдылығын арттыра түседі.
- Алдағы уақытта қандай жаңа жобаларды жүзеге асыру жоспарланып отыр?
– Алдағы кезеңде ұлттық мәдениетті жаңа форматта дәріптейтін этнофестивальдерді көбейту, ұлттық киім апталығын өткізу, халықаралық мәдени жобаларды жүзеге асыру, жастардың қатысуымен тарихи-мәдени іс-шараларды кеңейту жоспарымызда бар. Басты мақсатымыз – Түркістанның рухани мәртебесін одан әрі нығайтып, ұлттық құндылықтарды келер ұрпаққа аманат ету.
Уақытыңызды бөліп, мазмұнды әңгіме өрбіткеніңіз үшін Мадияр Бақтыбайұлы өзіңізге рақмет. Ұлттық рухты жаңғырту жолындағы еңбектеріңізге табыс тілейміз.
Рақмет! Ұлттық құндылықтарды бірге дәріптейік.
